सलहको नेपाल प्रवेश 
सलह नेपालको तराई हुदै पहाडतिर सर्न थालेको छ। मन्त्रालयका अधिकारीहरुका अनुसार सुरुमा सर्लाहीमा देखिएको सलह किरा हालसम्म बारा, भैरहवा, पाल्पा, हुँदै कपिलवस्तु लागेको जानकारी छ र बिस्तारै सिन्धुली हुदै रामेछाप तिर लागेको स्थानीय तहले मन्त्रालयलाई दिएको छ। सलह चितवन राष्ट्रिय निकुञ्जभित्र समेत प्रवेश गरेको कृषि मन्त्रालयले जनाएको छ। कोरोनले देशको आर्थिक र सामाजिक अवस्था नाजुक बनेको बेला सलहले झनै समस्यामा पार्ने सक्ने वाली बिज्ञहरु बताउँछन् । तर, नेपाल भित्रिएको सलहको झुण्ड सानो रहेको कृषि तथा पशुपन्छी विकास मन्त्रालयका अधिकारीहरु बताउँछन् ।

हाल नेपालमा देखिएको सलह एकदमै छोटो समय मात्रै एकैठाउँमा बसेको र हानी कम गरेका कारण विषादी छर्कन समस्या भएको मन्त्रालयले जनाएको छ । किराको झुण्ड बढ्ने अवस्था तथा क्षति हुन थालेमा ट्याक्टरमा ठूला ड्रममा विषादी बोकेर छर्नेदेखि दमकलले विषादी हान्नेसम्मको योजना मन्त्रालयको  छ।

टास्कफोर्सका सदस्य भन्छन्- सकिन्छ भने खाए हुन्छ। प्लान्ट क्वारेन्टिन तथा विषादी व्यवस्थापन केन्द्रले सलह खसीको मासु भन्दा पनि पोसिलो भएको दाबी गरेको छ । साथै कुखुराको दानका रुपमा प्रयोग गरेर पनि यसलाई नियन्त्रणमा लिन सकिने केन्द्रका वरिष्ठ बाली संरक्षण अधिकृत महेशचन्द्र आचार्य बताउँछन् । सलह नियन्त्रण टास्कफोर्सका सदस्य समेत रहेका उनले भने ‘खसी, बंगुर, वा अन्य मासुभन्दा सलह पोसिलो हुन्छ, सकिन्छ भने नियन्त्रणमा लिएर खाए हुन्छ नभए कुखुराको दाना पनि बनाउन सकिन्छ ।